Næstu tvo hvíldardaga mun Dr Steinþór Þórðarson predika í Boðunarkirkjunni. Þau eru ekki ófá námskeiðin sem Steinþór hefur haldið í gegnum árin, meðal annars um opinberunarbókina og Daníelsbókarnámskeið, ásamt miklu fleirum námskeiðum. Þessi námskeið voru svo hljóðrituð fyrir Útvarp Boðun og njóta nú hlustendur góðs af þeirri fræðslu. Samkoman byrjar kl: 11 fh á laugardeginum þ.e hvíldardegi Drottins og allir eru hjartanlega velkomnir. Barnastarfið er á sínum stað og er á meðan ræðan og biblíulexía er.  Eftir samkomuna verður sameiginleg máltíð sem safnaðarsystkyni sjá um að framreiða á. Látum okkur ekki vanta á samkomu eða eins og segir í Hebreabréfinu 10:25

²⁵Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.

Dr Steinþór Þórðarson mun predika laugardaginn 12.maí kl 11 fh á hvíldardegi Drottins. Steinþór býr í Bandaríkjunum ásamt fjölskyldu sinni en mun dvelja hér á landi í maí. Við fáum að njóta fræðslu hans þann tíma.  Hlustendur Útvarps Boðunar ættu ekki að láta þetta tækifæri fram hjá  sér fara. Við hvetjum alla til að koma á samkomu og lofa Drottinn með okkur. Barnastarfið er á sínum stað. Hlökkum til að sjá þig.

Drottinn er minn hirðir, mig mun ekkert bresta.
²Á grænum grundum lætur hann mig hvílast, leiðir mig að vötnum, þar sem ég má næðis njóta.
³Hann hressir sál mína, leiðir mig um rétta vegu fyrir sakir nafns síns.
⁴Jafnvel þótt ég fari um dimman dal, óttast ég ekkert illt, því að þú ert hjá mér, sproti þinn og stafur hugga mig.
⁵Þú býr mér borð frammi fyrir fjendum mínum, þú smyr höfuð mitt með olíu, bikar minn er barmafullur.
⁶Já, gæfa og náð fylgja mér alla ævidaga mína, og í húsi Drottins bý ég langa ævi. Sálm 23:1-6

Við komum saman á hvíldardegi Drottins laugardaginn 5.maí 2012 kl:11 fh til að vegsama Drottinn okkar og Guð! Þú ert hjartanlega velkomin/n á samkomu. Guðmundur E. Erlendsson mun predika næsta hvíldardag. Predikun hans ber yfirskriftina" Hvernig getum við komist í þá stöðu að vera "í Kristi"." Magnea Sturludóttir mun leiða biblíulexíuna að þessu sinni. Barna og unglingastarfið er á sínum stað. Á eftir samkomuna borðum við saman og eigum notalega stund saman. Allir eru velkomnir.

Hallelúja! Lofum Drottinn okkar og Guð! Við komum saman laugardaginn 28.apríl kl:11 fh á hvíldardegi Drottins. Þórdís Malmquist talar til okkar og Guðrún Runólfsdóttir mun sjá um biblíulexíuna að þessu sinni. Barna og unglingastarf er á sama tíma. Hlökkum til að sjá þig. Njótum þess að taka okkur hvíld frá öllum okkar störfum og endurnæra og fylla okkur af orði Guðs og nærveru. Guð gefi hverju og einu ykkar gleðilegan hvíldardag.